Teknologjia e makinave elektrike sa vjen e bëhet më e mirë, gjithashtu edhe më e aksesueshme për të gjithë. Kjo është e qartë duke parë numrin e lartë të scooter-ave që shtohen rrugëve të qyteteve nga dita në ditë.

Microlino dhe Microletta prezantohen përpara Europës nga një kompani e quajtur Micro Mobility Systems e cila jo nuk është Italiane por Zvicerane.

E projektuar për ti ngjasuar mikro makinave që qarkullonin nëpër Europë gjatë luftës së dytë botërore. Koncepti i Microlinos u lajmërua që në 2015 dhe më në fund kemi një produkt konkret i cili do të fillojë tregtinë në 2021.

Çfarë kemi përpara syve është një automjet i vogël elektrik i cili mund të kapë një shpejtësi maksimale prej 90 km/h dhe me një kapacitet prej 200 km. Një design unik me qëllim qarkullim sa më të shpejtë eco dhe mikro. Mbi të gjitha, mund të karikohet nga priza e shtëpisë nga 0 - 100% për vetëm 4 orë.

Sa i përket Microlettës ajo është një tricikletë e cila prezantohet për herë të parë. Me një shpejtësi maksimale prej 80 km/h, të ngasësh atë nuk ke nevojë për patentë.

Prezantimi u bë online, edhe pse ishte programuar për tu prezantuar në Geneva Auto Show, event i cili u anulua për shkak të Coronavirus.

Nëse je kurioz të mësosh më shumë dhe të shohësh eventin e prezantimit, atë e gjen në videon mëposhtë: