Siç shumica prej nesh di, kompjuterët në makina janë këtu për të qëndruar. Ne kemi pasur kompjutera brenda makinave tona për një kohë të gjatë, ata thjesht janë bërë më të fuqishëm dhe më të zgjuar. Por tani një nivel krejtësisht i ri i automjeteve ka dalë në rrugë, automjete me software të dedikuar.
Automjetet me software të dedikuar janë ato automjete, i gjithë funksionaliteti i të cilave varet nga software-i dhe kompjuteri. Këto makina janë përmirësuar shumë gjatë viteve të fundit, që nga GPS e brendshme dhe aftësitë e navigimit, te Bluetooth dhe lidhja celulare. Tani, një kompani me emrin CarIQ thotë se programi i saj beta për software-in e pagesës automatike po zgjerohet dhe disa drejtues së shpejti mund të përdorin automjetet e tyre për të paguar karburantin. Kompania ka nisur me disa qindra automjete testuese që bënin pagesa duke përdorur një kompani tregëtuese karburanti dhe tani ky shërbim po zgjerohet dhe po bashkëpunon me BlackBerry për një shtrirje më të gjërë.
Pratz shpjegon: “Kur themelova kompaninë, koncepti ishte se ne po qarkullojmë në makina për të kërkuar gjëra për të blerë. Brenda atij tregu, ne kuptuam se karburanti është produkti kryesor që duam të blemë, rreth 50% e kërkesë, por kemi dhe transaksionet për parkim, sigurim, shërbim dhe riparim. Ne i shohim ato si ‘Big Five’. Karikimi i EV (automjeti elektrik) është pjesë e kategorisë së karburantit.”
Car IQ ka filluar të ndjekë marrëdhëniet në të pesë këto fusha, por karburanti është kategoria më e plotë e pagesave deri më sot. “Sot, ne kemi 25,000 pika karburanti në platformë, dhe tani duke u integruar në rrugë do të kemi së shpejti rreth 50,000,” thotë Pratz. “Sapo filluam (me) tarifat.” Për ta lehtësuar këtë, Car IQ ka nënshkruar një marrëveshje me Verra Mobility, e cila ofron teknologji të integruar për të menaxhuar gjëra të tilla si tarifat për flotën e automjeteve dhe klientët e qeverisë. “Verra pa teknologjinë tonë në shfaqje vitin e kaluar dhe tha se do të donin vërtet makina të lidhura me agjencitë e tyre të tarifave. Kjo na jep rreth 95% të tregut të SHBA-së, dhe më pas ne jemi duke lëvizur pas sigurimit. Këto janë dy nga artikujt më të mëdhenj të blerjeve.”
