Automjetet konceptuale zakonisht ofrojnë një paraqitje të shkurtër të së ardhmes, pavarësisht se do të mund të duhen shumë vite deri sa të dalin në treg, madje në disa raste nuk dalin kurrë. Por disa nga modelet më tërheqëse priren të jenë një rikthim në të kaluarën.
I tillë është dhe koncepti elektrik Grandeur i Hyundai që u prezantua javën e kaluar. Hyundai mori modelin Grandeur të vitit 1986 dhe e rikrijoi atë në shekullin e 21-të me një motor elektrik dhe interior plot teknologji. Ky është një kombinimi i përsosur i estetikës së pagabueshme të viteve ’80 dhe prekjeve moderne.
Nga jashtë, Grandeur duket fiks si një makinë e vitit 1986, me përjashtim të fenerëve të tij LED dhe dritave të pasme, të cilat kanë një dizajn me pikselë. Hyundai ka përdorur në këtë koncept të njëjtin lloj dritash të pasme si në SUV-in e saj elektrik, Ioniq 5. Brenda, Grandeur ka një ekran me prekje ultra të gjerë që zëvëndëson numrat dhe butonave analogë.
Megjithatë, përveç kësaj, pjesa e brendshme ka një inspirim retro të mrekullueshëm, me sedilje të buta me lëkurë në ngjyrë të kuqe dhe prekje të tjera të cilësisë së lartë. Pasqyrat infinity të vendosura në tavan i japin sediljes së pasme ndjesinë e një restoranti elegant të viteve 1980. Çakmakët dhe tavllat që dikur ishin të zakonshme në makina janë zhdukur prej kohësh. Por Grandeur ka dhe një vend për puron tuaj.
Konsola qendrore ka një sirtar të fshehur për sendet me vlerë. Dhe ju merrni një levë gjigante për ndërrimin e marsheve. Altoparlantët ndriçohen nga një dritë ngjyrë bronzi që shtrihet rreth kabinës.
Koncepti Grandeur është pjesë e Serisë Heritage të Hyundai – domethënë makina të restauruara dhe të modifikuara. Në fillim të këtij viti Hyundai zbuloi një pamje të elektrizuar të Pony, një hatchback që doli në shitje duke filluar nga viti 1975. Pony gjithashtu kishte të integruara dritat piksel të firmës Hyundai. Hyundai vendosi gjithashtu kamera në vend të pasqyrave anësore.
Kjo është një veçori që nuk është ende e ligjshme në SHBA, por në të ardhmen e afërt kjo gjë mund të ndryshojë. Brenda, Pony, si koncepti Grandeur, janë kombinuar mjaft mirë klasikja me modernen. Me shumë mundësi këto makina nga Hyundai nuk do të prodhen kurrë në masë.
