Maextro, marka e re e automjeteve e krijuar bashkërisht nga gjigandi kinez i teknologjisë Huawei dhe Anhui Jianghuai Automobile Group (JAC), ka prezantuar modelin e saj të parë që synon tregun e sedanëve ultra luksoz.
Makina e quajtur Maextro S800, u zbulua në eventin e prezantimit të produktit të ri të Huawei sot dhe është i disponueshëm për t’u porositur. Modeli pritet të ketë një autonomi që arrin deri në 700 km me një karikim si dhe 500 kuajfuqi, me një çmim që nis nga $137,870. Maextro S800 ka gjatësi 5.48 m, gjerësi 2 m dhe lartësi 1.536 m. Modeli është i pari që ndërtohet në shasinë Tuling Intelligent të gjeneratës së dytë të Huawei dhe është projektuar nën arkitekturën inteligjente të drejtimit L3, tha Yu.
Huawei nuk hyri në shumë detaje në lidhje me modelin ose një datë specifike të prezantimit në ngjarjen e sotme, dhe Maextro ndau një video në llogarinë e tij zyrtare në Weibo duke treguar disa detaje të jashtme. Maextro është marka e katërt e re Huawei e lançuar me një prodhues lokal të makinave nën ombrellën e saj HIMA (Harmony Intelligent Mobility Alliance). Tre markat e tjera nën biznesin HIMA janë Stelato, të cilën Huawei e ndërtoi bashkë me BAIC Group, Aito, të cilën e ndërtoi me Seres Group dhe Luxeed, të cilën e ndërtoi bashkë me Chery.
Maextro S800 synon tregun luksoz të sedanëve dhe konkurrentët e mundshëm mund të përfshijnë Mercedes-Benz S-Class, BMW 7-Series, Audi A8 dhe Nio ET9.
Përveç zbulimit të Maextro S800, Huawei lançoi gjithashtu sedanin elektrik të përditësuar Luxeed S7 në ngjarjen e sotme, me rehati, performancë dhe inteligjencë të përmirësuar, por me një çmim fillestar më të ulët. Luxeed S7 i përditësuar është i disponueshëm në tre variante dhe dërgesat do të fillojnë më 1 dhjetor.
Huawei ka lançuar gjithashtu një version Ultra Long Range të Stelato S9, me një çmim fillestar prej $59,000.
