Elon Musk paralajmëroi punonjësit e Tesla që të përgatiteshin për një rritje të vështirësisë në prodhimin e makinave elektrike, ndërsa ai shpalosi planet për të prodhuar një makinë të re elektrike.
CEO i Tesla tregoi gjatë mbledhjes ditën e mërkurë se prodhimi i një modeli të ri elektrik, i vendosur të nisë në vitin 2025, do t’u kërkojë punëtorëve të Tesla të jetojnë dhe të flenë në fabrikën e kompanisë në Teksas. “Ne me të vërtetë kemi nevojë që inxhinierët të jetojnë në linjë,” u tha Musk investitorëve. “Kjo do të jetë një periudhë tepër sfiduese. Praktikisht, do të na duhet të flemë në fabrikë. Jo praktikisht, por me patjetër duhet të jetojmë aty.”
Kjo nuk do të ishte hera e parë që punonjësit e Tesla duhet të flenë në ambientet e kompanisë apo në fabrika për të arritur afatet e vendosura. Një ish-punëtor në fabrikën e Tesla-s në Fremont, Kaliforni, i tregoi se punonjësit flinin në fabrikë pas turneve 12-orëshe. Musk ka thënë se ka fjetur në tavolinën e tij ndërsa ka kaluar tre vite rresht duke jetuar kryesisht në linjat e prodhimit të Tesla.
Musk tha se automjeti i gjeneratës së ardhshme të Tesla-s, me emrin e koduar “Redwood“, do të hyjë në prodhim në gjysmën e dytë të 2025 në Texas Gigafactory të kompanisë – megjithatë kemi mësuar me kalimin e kohës se Elon Musk nuk është shumë preçiz kur vjen puna tek parashikimet.
