BMW ka tërhequr 486 SUV në SHBA pasi një airbag keqfunksionoi në tetor, duke lëshuar mbetje në mushkëri, gjoks dhe shpatullat e shoferit. Kjo tërheqje nga tregu ka të bëjë me pjesët e prodhuara nga Takata, pasi airbag të tyre janë nën hetim nga rregullatorët amerikanë prej vitesh – dhe gjenden në miliona automjete në mbarë botën.
Bëhet fjalë për fryrësin e airbag-ut nga ana e shoferit, i cili në fakt prodhohet nga ARC Automotive, por përdoret nga Takata në airbag-et e saj. Kjo pajisje përdor kimikate të paqëndrueshme për të bërë një shpërthim të vogël që fryn me shpejtësi airbag-un në rast përplasjeje. Mirëpo në rrethana të caktuara, kutia metalike që mban kimikatet mund të shpërthejë në një përplasje, duke nxjerrë copa metalike në brendësi të makinës. 27 vdekje janë lidhur me defektet e airbagëve Takata në SHBA dhe të paktën 38 në mbarë botën. Më shumë se 400 persona janë lënduar nga airbags vetëm në SHBA.
Automjetet e prekura përfshijnë disa modele të SUV-ve BMW të prodhuara midis shkurtit dhe marsit 2014, dhe modelin BMW X5. Për shkak se çështja mund të jetë e përhapur, NHTSA ka këshilluar shoferët të kontrollojnë databazën e tërheqjes nga tregu thjesht duke futur numrin e tyre të identifikimit të automjetit (VIN).
Takata ka tërhequr nga tregu rreth 67 milionë airbag të saj për çështje sigurie, sipas NHTSA. Megjithatë, shumë njësi me defekt mbeten në makina në rrugë. Takata falimentoi në vitin 2017, pasi tërheqjet dhe paditë i kishin kushtuar kompanisë miliarda.
