Një kompani si Apple është goxha e kujdesshme kur vjen puna tek lançimi i produkteve të reja. Imagjino si duhet të jetë kur vjen puna tek hyrja në një sektor totalisht si automjetet. Po flasim sigurisht për Apple Car, një projekt i përfolur që në 2018, i cili duket se po afrohet drejt konkretizimit.
Sipas një gazete tajlandeze, Apple ka filluar porositë nga disa furnizues për pjesë makinash elektrike dhe teknologji autonome. Ka qenë Reuters më pas ajo që ka konfirmuar zërat duke shtuar se jo vetëm kaq por kompania pretendon të sjellë edhe një arkitekturë të re baterie mono-pilë e cila do të thyejë rekordin e kapacitetit të distancës. Sigurisht, është Apple.
Sipas raportimeve prototipet janë duke u testuar rrugëve të Kalifornias, çudi përbën fakti që ende nuk kemi parë ndonjë foto të automjetit, ndaj ose janë duke i ngarë në zona shumë rurale ose duke u fshehur mirë. Nëse këto pretendime rezultojnë të vërteta duhet të shohim versionin e parë të automjetit në shtator 2021 dhe dërgesat do të fillojnë në 2024.
Sa i besueshëm është ky informacion? Shumë i besueshëm, këtë e dëshmon besimi që audienca ka në të, reflektuar në rritjen e aksioneve të Apple me +38% fare shpejt me të marrë lajmi dhenë.
Futja e një kompanie me këtë reputacion e fuqi në industrinë e automjeteve mund të jetë një e mirë e madhe jo vetëm për fansat më të betuar të Apple, por nga ana tjetër është një shteg i pashkelur më parë, ndaj mbetemi skeptikë por gjithsesi të emocionuar për të ardhmen.
