YouTube po përgatitet të publikojë një version beta të Shorts, një konkurues direkt i TikTok, në SHBA duke filluar nga marsi. Këtë lajm e bëri të ditur vetë Neal Mohan sot në një blog ku bënte të ditur shërbime të reja që do t’i bashkohen YouTube. Ky ekip ka parë sukses me Shorts në Indi, pasi atje është publikuar para disa muajsh. “Nga dhjetori numri i kanaleve indiane në Shorts është trefishuar dhe tani regjistron më shumë se 3.5 miliardë views në platformë”.
Nuk është një surprizë që YouTube po mundohet ta sjellë Shorts sa më shpejt të jetë e mundur në duart e përdoruesve. Në blogun e Mohan u publikua një mënyrë e re monetizimi që përfshin Applause, e cila do t’i lejojë fansat të blejnë një animim duartrokitje që duket sipër videos. Krijuesve i jepet një përqindje të ardhurash nga çdo blerje.
Gjithashtu YouTube po teston një “eksperiencë të re shopping-u” që do të publikohet më vonë. Idea është që njerëzit të blejnë produkte nga kanalet të cilëve i besojnë. Krijuesit mund të bëjnë tag produktin në videot e tyre duke lejuar ndjekësit e tyre t’i blejnë. Deri më tani këto produkte janë të limituara në kategoritë elektronike dhe beauty. Një tjetër shtesë do të jetë “Chapters“, i cili shton timestamps specifike në video.
