WhatsApp ka shtuar disa elementë të rinj sigurie, duke përfshirë një mënyrë të re për të fshehur adresën tuaj IP kur përdorni aplikacionin dhe një proces zbutës për të ndaluar sulmet kibernetike nëpërmjet thirrjeve audio, të cilat mund të jenë efektive edhe nëse nuk u përgjigjeni atyre. Po, kriminelët kibernetikë mund të grumbullojnë informacion nga pajisja juaj edhe nëpërmjet një telefonate që ju nuk i përgjigjeni!
Kur bëni telefonata përmes WhatsApp, enkriptimi mbron të dhënat tuaja dhe informacionin personal, por përdor lidhjen e internetit, e cila mund të jetë një tjetër element identifikues. Pikërisht këtu hyn në punë shërbimi IP masking i WhatsApp.
Për ta zgjidhur këtë problem, WhatsApp ka zhvilluar një proces të ri që ridrejton thirrjen tuaj përmes serverëve të WhatsApp, në mënyrë që palët e tjera në një telefonatë mos ta shohin adresën tuaj IP.
“Kjo siguron një shtresë ekstra të privatësisë dhe sigurisë, veçanërisht të orientuar drejt përdoruesve më të shqetësuar rreth privatësisë. Si gjithmonë, telefonatat tuaja janë end-to-end encrypted, kështu që edhe nëse një telefonatë transmetohet përmes serverëve WhatsApp, WhatsApp nuk mund t’i dëgjojë thirrjet tuaja.”
Është interesant fakti që dhe X po eksperimenton gjithashtu me një qasje të ngjashme për opsionin e ri në thirrjet zanore. Për sa i përket grumbullimit të të dhënave përmes një telefonate që ju nuk i përgjigjeni, WhatsApp tregon se ka zhvilluar një sistem të ri mbrojtje përmes “privacy tokens” që vlerësojnë nivelin e besueshmërisë së secilit telefonues.
Pra, është një sistem që është në gjendje të identifikojë dhe filtrojë më mirë telefonuesit, në mënyrë që të ndihmojë përdoruesit e WhatsApp të shmangin mashtrimet dhe personat e padëshiruar.
