WhatsApp po prezanton një veçori të re të quajtur Advanced Chat Privacy për të shtuar një nivel ekstra sigurie në bisedat tuaja.
Ky shërbim mund të pengojë pjesëmarrësit në një chat që të ndajnë përmbajtjen e një bisede. Ky është një shërbim i disponueshëm që mund të aktivizohet nga cilësimet e aplikacionit si për bisedat tradicionale ashtu edhe për grupet.
Pasi shërbimi të aktivizohet, ky grupi mjetesh do të parandalojë të gjitha përmbajtjet e bisedës të ndahen me persona të tjerë brenda ose jashtë aplikacionit. Kjo do të thotë se do të bllokojë edhe të gjitha eksportet e bisedave, por ky është vetëm fillimi. Softueri gjithashtu parandalon një smartphone nga shkarkimi automatik i mediave dhe do të ndalojë integrimin me asistentët e AI. Në thelb, ajo që ndodh në WhatsApp mbetet në WhatsApp. Megjithatë, është e paqartë nëse ky shërbim do të ndalojë dhe kapjen e screenshots në aplikacion.
Platforma thotë se shërbimi “përdoret më së miri kur flisni me grupe ku mund të mos i njihni të gjithë personat nga afër, dhe doni të ndiheni sa më të sigurt“. Platforma jep shembuj si një grup mbështetës për sfidat shëndetësore dhe një bisedë rreth organizimit të komunitetit.
WhatsApp thotë se ky është vetëm versioni i parë i shërbimit dhe se do të shtojë “më shumë mbrojtje” në të ardhmen. Ai po përhapet tani për përdoruesit në të gjithë botën, megjithëse mund të duhen një ose dy muaj për të arritur pranë të gjithëve. Platforma tashmë është e njohur për fokusimin në privatësi, pasi përdor enkriptim nga fundi në fund.
