Aplikacioni më i përodrur në botë i komunikimit nëpërmjet mesazheve po përgatitet të prezantojë një shërbim të ri i cili pritet prej shumë kohësh nga përdoruesit: editimin e mesazheve.
Pas disa informacionesh të bëra leak, kompania ka pranuar zyrtarisht se po punon për të sjellë sa më shpejt pranë përdoruesve këtë shërbim. Shumë njerëz do ta përdorin editimin e mesazheve për të rregulluar gabimet drejtshkrimore që kanë bërë në mesazhe të caktuara, mirëpo do të ketë dhe persona të tillë të cilët do të editojnë mesazhet për të ndryshuar kuptimin e tyre dhe për të ngatërruar lexuesit.
Përdoruesit e versioneve beta të cilët e kanë testuar këtë shërbim tregojnë se ai mund të aksesohet lehtësisht dhe se funksionon mjaft mirë. Për të edituar një mesazh, mjafton që të mbani shtypur mesazhin e dëshiruar, dhe më pas të zgjidhni opsionin edit në menu.
Menjëherë para jush do të shfaqet mesazhi që keni shkruar me një kuti tjetër shkrimi nën të. Në këtë kuti ju mund të shkruani tekstin e rregulluar me ndryshimet që dëshironi të bëni. Ju mund ta edition një mesazh sa herë që të dëshironi, për sa kohë jeni brenda afatit kohor të lejuar prej 15 minutash.
Kur mesazhi të editohet, WhatsApp do të tregojë qartësisht se ky mesazh është i edituar, ndërkohë që koha origjinale e dërgimit të mesazhit do të ruhet.
