WhatsApp vazhdon të mbetet nga programet më kryesore të mesazhimit, dhe me rritjen e pushtetit padyshim që rritet edhe përgjegjësia. Ndaj edhe për këtë arsye nevojiten nivele më të forta sigurie.
Pikasur nga WABetaInfo, një faqe e re në versionin beta Android të programit tregon se më në fund përdoruesit do të mund të sigurojnë bisedat e tyre edhe me anë të njohjes së fytyrës. Deri tani ka qenë e mundur të siguroheshin me shenjën e gishtit dhe me kodin e smartphonit.
Në fakt opsioni vjen vonë për përdoruesit Andorid, pasi iOS e ka pasur këtë veçori prej kohësh.
WABetaInfo ka gjetur një ndryshim në seksionin e kyçjes, i cili nga “Kyçe me shenjë gishti” ka kaluar në “Kyçje Biometrike“.
“Pasi të jetë aktivizuar, do të përdorësh shenjën e gishtit, fytyrën apo identifikues të tjerë unik për të ç’kyçur Whatsapp,” shkruhet aty. “Mundesh ta hapësh telefonatën edhe nëse programi është i kyçur sifoqoftë”.
Nëse do ta provosh opsionin sa më herët kliko këtu për t’u bërë pjesë e programit beta te WhatsApp.
