WhatsApp sapo ka prezantuar një shërbim të ri për të gjithë përdoruesit që kanë dëshirë të komunikojnë në një grup të madh. Tashmë ju mund të merrni pjesë në telefonata zanore së bashku me 31 persona të tjerë.
“Sa herë të shpërndani lajme të mira me të gjithë familjen, ju do të dëgjoni të gjitha reagimet dhe qeshjet përmes një telefonate të vetme.” shkruan WhatsApp në një postim në Twitter.
Gjatë kohëve të fundit ne kemi parë se platforma po update-ohet me shumë shërbime njëkohësisht për të ruajtur rivalitetin me shumë platforma të tjera, dhe pse WhatsApp mbetet aplikacioni më i përdorur i komunikimit. Për të frenuar shpërndarjen e shpejtë të keqinformimit, WhatsApp ka nisur tashmë limitimin e mesazheve të bëra forward drejt një grupi të vetëm.
Update-i më madhor do të jetë ardhja e Communities Tab në aplikacion. Ky shërbim do t’u vijë në ndihmë menaxherëve të kompanive, pasi ata do të jenë në gjendje të komunikojnë lehtësisht me punonjësit e tyre falë aftësive të shtuara për adminët e grupeve.
Edhe mundësia për të përfshirë 32 persona në një telefonatë të vetmë duket se do t’i ndihmojë menaxherët të cilëve iu duhet të bëjnë një lajmërim të shpejtë për të gjithë punonjësit.
