Aplikacioni Zoom për Vision Pro do të ofrohet së bashku me headset-in e ri të Apple më 2 shkurt dhe do t’i lejojë përdoruesit të përdorin avatar-in e tyre gjatë video-telefonatave. Të gjithë personat e përfshirë në këtë bisedë do të mund të shikojnë mimikën e fytyrës dhe lëvizjet e duarve të përdoruesve të Vision Pro njësoj sikur të mos kenë veshur këtë headset, një gjë që ofrohet dhe në aplikacionin FaceTime të Apple për Vision Pro.
Aplikacioni i ardhshëm Zoom do të përfitojë gjithashtu nga aftësitë e realitetit të shtuar të Vision Pro, duke e lejuar atë të bashkohen me mjediset fizike të përdoruesve në botën virtuale. Megjithatë, Zoom thotë se planifikon të sjellë më shumë shërbime në aplikacion më vonë gjatë pranverës, duke përfshirë diçka të quajtur “real-world pinning“.
Kjo supozohet t’i bëjë thirrjet të ndihen më përfshirëse duke i lejuar përdoruesit e Vision Pro të fiksojnë deri në pesë pjesëmarrës në takimin e Zoom në hapësirën e tyre fizike duke hequr sfondin e telefonuesve.
Aplikacioni do të shtojë gjithashtu aftësinë për shpërndarjen me njëri-tjetrin të objekteveve 3D, të cilat do të mund të shikohen si në jetën reale. Gjithashtu kompania po planifikon të shtojë edhe konkurrentin e saj Slack, Team Chat, në aplikacionin për Vision Pro.
Zoom do të jetë një ndër kompanitë e pakta që ka krijuar një aplikacion të veçantë për Vision Pro, pasi Netflix dhe YouTube nuk po ndërmarrin një hap të tillë, që do të thotë se përdoruesit do të detyrohen të hapin t’i aksesojnë këto shërbime vetëm përmes një browser-i, duke ofruar një përvojë më pak përfshirëse si rezultat.
