Lufta ekonomike vazhdon, Departamenti Tregtar deklaroi këtë mëngjes se transaksionet e biznesit të rrjeteve sociale Kineze; WeChat dhe TikTok do të ndalen duke filluar nga kjo e djelë.
Kjo deklaratë vjen përpara se Presidenti Trump të shprehej për marrveshjen e propozuar midis Oracle dhe TikTok. Megjithatë kjo negociatë mund të jetë ende e mundshme për tu realizuar.
WeChat është një ndër rrjetet sociale më të famshme në botë dhe është në pronësi të kompanjisë Kineze Tencent. TikTok nga ana tjetër është e kompanisë me bazë në Kinë ByteDance. Shqetësimi i shtëpisë të bardhë lidhet me pretendimet se qeveria Kineze mund të ketë akses tek të dhënat personale të qytetarëve amerikanë.
Deklarata sqaron se duke filluar nga kjo e djelë, kompanitë amerikane nuk do ë lejohen të kenë në libraritë e tyre WeChat dhe TikTok, kjo do të thotë se aplikacionet nuk do të mund të shkarkohen më nga Apple apo Google. Por deklarata lë shteg për një afat kohor specifik për TikTok duke i dhënë deri kohë në 12 nëntor për të zgjidhur shqetësimet e sigurisë. Çka i jep kohë Oracle dhe TikTok të përmbushin kriteret e kërkuara.
Kjo do të thotë se WeChat i cili në mungesë të Facebook, WhatsApp apo Google ka qenë e vetmja mënyrë kontakti mes amerikanëve dhe kinezëve nuk do të ekzistojë më në amerikë. TikTok do të vazhdojë shërbimin për ata që e kanë shkarkuar tashmë, thjesht nuk do të marrë përditësime deri në 12 nëntor.
Pas kësaj date nëse marrveshja mes tyre dhe Oracle është e kënaqshme do të vazhdojë të funksionojë nërmalisht, në të kundërt jo.
