TikTok po teston një shërbim të ri “AI Song” që përdor AI për të krijuar këngë bazuar në kërkesat e përdoruesve. AI Song është një shërbim eksperimental dhe aktualisht është i disponueshëm vetëm për një numër të zgjedhur përdoruesish.
Qëllimi i këtij shërbimi është të argëtojë përdoruesit dhe nuk është një përpjekje për të krijuar këngën virale të rradhës. TikTok tregoi për TechCrunch se AI Song përdor Bloom, një model i madh gjuhësor, për të krijuar tekste të bazuara në kërkesat që përdoruesit shkruajnë në prompt. Tekstet më pas çiftohen me muzikë nga një katalog i ruajtur paraprakisht i krijuar brenda TikTok.
Përdoruesi i TikTok Jonah Manzano postoi një përshkrim të shërbimit të ri për të detajuar se si funksionon. AI Song fillon duke u kërkuar përdoruesve të “fusin një kërkesë për të gjeneruar një këngë“. Pasi të jetë futur një prompt, aplikacioni do të fillojë të gjenerojë këngën tuaj. Pas disa sekondash, aplikacioni më pas do të krijojë tekste që lidhen me kërkesën tuaj dhe do ta çiftojë atë me muzikën.
Ju mund të ndryshoni atmosferën e këngës duke kaluar midis zhanreve “pop“, “EDM” dhe “Hiphop“. Rezultati përfundimtar është një këngë e çuditshme me tekst të bazuar në prompt-in e dhënë. TikTok bën me dijese “ka disa rregulla që duhen ndjekur” kur përdorni këngën e krijuar nga AI. Për shembull, funksioni nuk mund të përdoret për të shfrytëzuar ose dëmtuar të miturit ose për të përhapur informacione të rreme ose personale që dëmtojnë të tjerët. Gjithashtu nuk mund të përdoret për të shpifur, imituar ose ngacmuar të tjerët.
Ashtu si me çdo shërbim tjetër në fazë testimi, nuk dihet se kur ose nëse AI Song do të shfaqet më gjerësisht në platformë. TikTok përmendi gjithashtu se mund të ndryshojë emrin e këtij shërbimi në të ardhmen.
