TikTok ka vendosur të bashkëpunojë me Virtual Dining Concepts për të lançuar TikTok Kitchens, një shërbim vetëm delivery që do të gatuajë disa nga recetat më të klikuara në aplikacion, siç raportohet nga Bloomberg.
TikTok dhe VDC do të hapin dyqane në rreth 300 vende të ndryshme në të gjithë SHBA, por ka në plan zgjerimin deri në 1,000 vende të ndryshme deri në fund të 2022. TikTok Kitchens do të operojë në restorantet ekzistuese, duke përfshirë këtu dhe rrjetin e dyqaneve nën pronësinë e bashkë-themeluesit të VDC, Robert Earl, si Buva di Beppo dhe Bertucci’s. TikTok do të bëjë të mundur trajnimin e stafit në restorantet ekzistuese, paketimin e ushqimeve dhe sigurimin e recetave.
Për të mbajtur gjërat sa më të freskëta, menuja do të ndryshojë shpesh, pasi shumë përmbajtje të ndryshme bëhen virale në të njejtën kohë. Fillimisht kjo menu do të përfshijë recetën më të kërkuar në Google për vitin 2021, Feta Pasta, bashkë me corn ribs dhe pasta chips. Krijuesit të cilët inspirojnë çdo ditë receta të reja të shijshme do të marrin dhe meritat e tyre në këto receta.
“Krijuesit do të marrin meritat e tyre për gatimet brenda menusë dhe do të përfshihen në promovim.” tha zëdhënësja e TikTok, Elena Saavedra. “Për të qenë të qartë, kjo është një fushatë për të sjellë ushqimet e TikTok drejt fansave, dhe jo një tentativë për t’u futur në biznesin e restoranteve.”
