Tashmë e dimë, presidenti i Shteteve të Bashkuara të Amerikës Donald Trump ka firmosur dy urdhra ekzekutive të cilat ndalojnë kompanitë amerikane nga të bërit biznes me TikTok dhe WeChat. Brenda 45 ditëve gjithçka duhet të jetë mbyllur.
Pretendimet e Trump flasin për rreziqe për sigurinë kombëtare, politikën e jashtme dhe ekonominë e USA. Qeveria deklaron se të dyja aplikacionet kanë “marrë sasi të mëdha informacioni nga përdoruesit e vetë. Ky grumbullim të dhënashkërconon t’i lejojë Partisë Komuniste Kineze të ketë akses tek informacioni privat dhe në pronësi të Amerikanëve.“
Për më tepër urdhri pretendon se këto aplikacione i mbledhin të dhëna për qytetarët kinezë që jetojnë në USA duke mbajtur nga një dosje hapur.
Dhe në përfundim raportet tregojnë se TikTok çensuron kontent politikisht delikat si protestat në Hong Kong dhe trajtimi i Uhigurëve, minoritetit Musliman në Kinë.
TikTok nga ana e vetë thotë se prej një viti përpiqet të bisedojë me Washintonin por ata refuzojnë të argumentojnë me baza. Duke quajtur raportet e cituara në urdhrat e mësipërm si të pavërteta.
“E kemi bërë të qartë se TikTok nuk ka ndarë kurrë të dhëna përdoruesish me qeverinë Kineze, apo të ketë çensuruar material me kërkesën e saj.“
Teksa akuzojnë presidentin dhe kabinetin e tij për politika dëmtuese për tregun internacional, kompania ka kërcënuar ta çojë çështjen në gjykatë.
Ndërsa lufta teknologjike midis dy shteteve më të avancuara të fushës është tashmë e qartë, tek e fundit është njëra ekonomi kundër tjetrës, e vërteta është që nëse Amerika vetëm tani po vepron shteti Kinez prej kohësh ka bllokuar shërbime masive amerikane si Facebook, WhatsApp apo Google.
Bllokimi i WeChat do të eleminonte të vetmwn urë komunikimi mes të afërmve që jetojnë në këto dy vende, ama është i vërtetë edhe pretendimi se kjo e fundit ka qenë prej kohësh vegël e regjimit për të kontrolluar popullatën e vetë, dhe kush më mirë se populli jonë e kupton diktaturën.
E për ta konkluduar, duke u larguar nga konteksti ekonomik, genocidi Musliman dhe shtypja e demokracisë në Hong Kong janë dy çështje humanitare të dokumentuara brenda dhe jashtë platformave të sipërpërmendura. Çensura kumuniste po ashtu është një realitet i njohur për ne, ndaj interes ekonomik apo jo, dikush duhet ti vihet kundër një regjimi totalitar që nuk njeh kundërshtar.
