TikTok tregoi se do të suportojë regjistrimin përmes passkeys në iPhone, duke i lejuar përdoruesit të identifikohen me Touch ID ose Face ID në vend që të shkruajnë fjalëkalimin e tyre.
Passkeys janë zëvendësime të fjalëkalimeve që mund të konfirmojnë identitetin tuaj bazuar në metodat e koduara të vërtetimit biometrik, të cilat janë të disponueshme tashmë në pajisjen tuaj. TikTok po suporton përdorimin e passkeys për iOS në rajone të caktuara, në Azi, Afrikë, Australi dhe Amerikën e Jugut duke filluar nga ky muaj.
Kompania planifikon të zgjerojë funksionalitetin në më shumë rajone dhe sisteme operative me kalimin e kohës, që do të thotë se një prezantim i këtij shërbimi do të vijë në SHBA dhe Android më vonë.
Me përdorimin e passkeys, të gjitha të dhënat biometrike të vërtetimit mbeten në pajisjen tuaj dhe nuk mund të aksesohen ose përpunohen nga aplikacione të palëve të treta, si TikTok. Përdoruesit e iOS tani do të kenë mundësinë të përdorin passkeys në vend të një fjalëkalimi për t’u identifikuar në llogarinë e tyre TikTok direkt nga llogaria e tyre iCloud nëpër pajisje.
Përdoruesit mund të aktivizojnë një passkey duke hapur Settings të aplikacionit dhe duke zgjedhur opsionin e ri “Passkey“. Më pas, duhet të ndiqni disa hapa dhe më pas të zgjidhni “vazhdoni” në kërkesën e sistemit iOS për të ruajtur këtë passkey.
