Me rritjen e pushtetit rritet edhe përgjegjësia. Në një platformë kaq gjigande sa Tik Tok ëshë fare e thjeshtë që minorenët të bien pre e materialeve apo profileve keqdashëse. Politika e saj ka ofruar gjithmonë kontrollin e prindit, duke ofruar lidhjen e llogarisë së prindit me atë të fëmijës në mënyrë që prindi të kujdeset për minorenin.
Ky kontroll rritet më shumë tashmë teksa Tik Tok ofron kufizime sa i përket kush mund të komentojë, kush mund ta shohë llogarinë dhe kush mund të shohë materialet që fëmija e i tyre ka pëlqyer. Së bashku me limitin e mëparshëm mbi ata që mund ta kontaktonin adoleshentin, këto masa bëhen edhe më të forta.
Përveç këtyre tashmë ka edhe strumente që ndalojnë kontentin. Prindi do të mundet të ndalojë edhe të kërkojë video, përdorues, hashtage, apo audio të caktuara.
Padyshim si gjithmonë kërkohet bashkëpunimi midis të dyja palëve pasi fëmija mundet ta ç’aktivizojë kur të dojë opsionin po prindi do të njoftohet sidoqoftë.
Ndyshime të shëndetshme, kujtojmë që përtej dobisë dhe efikasitetit të vetë interneti mund të kthehet në një ambient të errët fare kollaj, sidomos për ata më pak të mbrojturit.
