Ditën e sotme përmes një publikimi në adresën zyrtare @creators në Instagram është lajmëruar se do të mbështesë publikimet e krijuara në bashkëpunim midis 4 adresave të ndryshme, duke rritur kështu angazhimet në këto postime.
“Krijimi në bashkëpunim me miqtë tuaj sapo është bërë më e thjeshtë! Pavarësisht nëse ju keni një adresë publike apo private, ju mund të shtoni deri në 3 adresa bashkëpunuese në një postim në feed apo në reels.” lexohet në lajmërimin e Instagram.
Sipas platformës, qëllimi kryesor i këtij shërbimi është që përmbajtjet e publikuara në bashkëpunim nga 4 adresa të ndryshme të arrijnë drejt më shumë përdoruesve, duke rritur shikueshmërinë e postimit.
Për të përdorur shërbimin Multiple Collaborator veproni si më poshtë:
- Nisni të përgatisni postimin tuaj apo një reel
- Përfundoni editimin përmbajtjes tuaj dhe klikoni në “Next”
- Sapo të kaloni në hapësirën e shpërndarjes, klikoni në “Tag People”
- Shtypni “Invite collaborators” dhe nisni të krijoni postimin tuaj
- Kërkoni emrin e përdoruesve që dëshironi të shtoni si bashkëpunëtorë.
- Sapo të keni gjetur bashkëpunëtorët e duhur, shtypni “Done”.
- Jepini “Share” për të shpërndarë postimin tuaj dhe për t’i dërguar një ftesë bashkëpunëtorëve
- Sapo ato të pranojnë ftesën tuaj, emri i tyre do të shfaqet në postim
