Aplikacioni i Telegram është rifreskuar dhe është pajisur me disa shërbime të reja. Një ndër shërbimet më të rëndësishme të shtuara është dhe aktivizimi i një adrese të re pa nevojën e kartës SIM.
Ky është një ndryshim masiv. Shumë aplikacione komunikimi si WhatsApp apo Viber kërkojnë që ju të krijoni një adresë të re duke përdorur një kartë SIM. Kjo metodë funksionimi deri para pak kohësh ju pengonte të përdornit këto shërbime në më tepër se një smartphone. Një tjetër problem ishte dhe ruajtja e bisedave. Hapat që duhen ndjekur nuk janë aq të thjeshta sa në Facebook Messenger për shembull.
Mirëpo Telegram nuk ka nisur të përdorë një log in normal. Nëse ju përdorni metodën e regjistrimit pa kartë SIM, ju do të përdorni disa numra të mbështetur në blockchain që janë të aksesueshëm në platfromën Fragment.
Një ndryshim tjetër mjaft i rëndësishëm në Telegram është aftësia për të fshirë automatikisht të gjitha bisedat sipas një kohëzgjatje të caktuar. Ju mund të vendosni t’i fshini automatikisht pas 1 dite, 1 jave, 1 muaji, ose një kohe të ndërmjetme që dëshironi.
Administratorët e grupeve që kanë më tepër se 100 anëtarë mund të organizojnë diskutimet në tema të ndryshme, me një strukturë me 2 kolona.
Të gjithë personat që nuk duan të shpërndajnë numrin e tyre, mund të gjeneronë një kod QR të përkohshëm, të cilën njerëz të tjerë mund ta skanojnë dhe t’ju shtojnë si kontakt pa ditur numrin e telefonit.
