Meta ka prezantuar një mënyrë të re për të kontrolluar se si Instagram gjurmon aktivitetin tuaj në web. Activity Off-Meta Technologies (i njohur më parë si Off-Facebook Activity) dhe Transfer Your Information ishin më parë të disponueshëm për Facebook, dhe tani janë të disponueshme edhe për Instagram.
Activity Off-Meta Technologies ju lejon të kontrolloni se çfarë informacioni nga aktiviteti juaj në web ndahet me Meta nga palë të treta. Brenda aplikacionit, mund të shikoni se kush janë bizneset që mund të ndajnë të dhëna me Meta, për shembull Airbnb, dhe më pas të vendosni nëse dëshironi të çaktivizoni website specifike nga llogaria juaj ose t’i pastroni plotësisht të dhënat.
Këto të dhëna përdoren për t’ju shfaqur reklama të personalizuara, kështu që mund të jetë një shërbim që dëshironi të mbani të aktivizuar. Për të parë listën e bizneseve që po ndajnë informacione për ju me Instagram, mjafton të shkoni te menuja e Settings në Instagram dhe më pas duke zgjedhur Accounts Center.
Për më tepër, Meta shtoi mundësinë për të shkarkuar informacionin e llogarive tuaja në Instagram dhe Facebook njëkohësisht. Kështu që ju mund të vendosni të bëni diçka si shkarkimi i fotove tuaja dhe ta bëni këtë për llogaritë tuaja në Facebook dhe Instagram njëkohësisht në vend që të duhet të trajtoni çdo shërbim më vete.
