Meta ka treguar përmes një postimi në faqjen e kompanisë se ka arritur një marëveshje me Ellen Degeneres për të sjellë lojën mjaft të famshme të saj, Heads Up!, në Messenger dhe Instagram përmes shërbimit Group Effects gjatë video telefonatave.
“Mblidhni skuadrën tuaj dhe përgatituni për një garë miqësore me miqtë tuaj më të mirë ose me familjen tuaj. E ri-imagjinuar me Augmented Reality, loja Heads Up! do të vijë në video telefonatat tuaja në Instagram dhe Messenger, në mënyrë që ju të luani me njëri tjetrin dhe kur nuk ndodheni në të njejtin vend.” shkruan Meta në website.
Heads Up! Është një lojë mjaft e njohur e luajtur nga Ellen Degeneres në emisionin e saj, ku lojtarët duhet të gjejnë fjalën që ndohet në kartën e tyre para se koha të përfundojë.
Në këtë lojë do të jenë 4 pako me letra të pranishme: Animals Gone Wild, That’s so 90s, Pantry Raid dhe Act Your Face Off. Pakot e tjera pritet të vijnë në fillim të vitit 2022.
Group Effects është një shërbim i ri në Instagram dhe Messenger që lejon përdoruesit të shijojnë eksperiencat AR gjatë video-telefonatave. Për të luajtur Heads Up!, ju duhet të shkoni në Instagram apo Messenger, të nisni një video telefonatë dhe më pas të klikoni në fytyrën që qesh për të hapur listën me efekte.
