Tashmë ju do të mund të gjeneroni fotografi të reja në WhatsApp përmes Meta AI

Prej pak kohësh kemi folur se si Meta ka nisur të integrojë në platformat e saj kryesore shërbimin më të ri të inteligjencës artificiale, Meta AI.

Ky shërbim është i pranishëm gjithashtu dhe në WhatsApp, me disa përdorues nga SHBA që tashmë mund të pyesin chatbot-in për pyetje të ndryshme madje dhe të gjenerojnë imazhe të reja. Sapo të filloni të shkruani një kërkesë text-to-image në një bisedë me Meta AI, do të shihni se si imazhi ndryshon ndërsa ju shtoni më shumë detaje rreth asaj që dëshironi të krijoni.

Në shembullin e ndarë nga Meta, një përdorues shkruan në prompt, “Imagjinoni një lojë futbolli në Mars“. Imazhi i krijuar shpejt ndryshon nga një lojtar tipik futbolli në shfaqjen e një fushe të tërë futbolli në një peizazh marsian. Nëse keni akses në versionin beta, mund ta provoni vetë veçorinë duke nisur një bisedë me Meta AI por duhet ta nisni këtë bisedë me fjalën “Imagine“.

Për më tepër, Meta thotë se modeli i saj Meta Llama 3 tani mund të gjenerojë imazhe “më të mprehta dhe me cilësi më të lartë” dhe është më i mirë në shfaqjen e tekstit. Ju gjithashtu mund t’i kërkoni Meta AI të animojë çdo imazh që dëshironi, duke ju lejuar t’i ktheni ato në një GIF për t’i ndarë me miqtë.

Së bashku me disponueshmërinë në WhatsApp, gjenerimi i imazheve në kohë reale është gjithashtu i disponueshëm për përdoruesit amerikanë përmes Meta AI për web. Funksioni i ri vjen si pjesë e një shtrirjeje më të gjerë të veçorive të AI në të gjitha aplikacionet e Meta, duke përfshirë WhatsApp, Instagram, Facebook dhe Messenger.