Spotify po zgjeron ndjeshëm funksionet për përdoruesit falas, duke u dhënë më shumë kontroll mbi dëgjimin e muzikës. Pas prezantimit të transmetimit “lossless” për abonentët me pagesë, kompania njoftoi se përdoruesit pa abonim tani mund të kërkojnë dhe të luajnë çdo këngë që duan ose të hapin drejtpërdrejt një këngë të shpërndarë nga miqtë apo artistët në rrjete sociale.
Risitë kryesore quhen “Pick & Play”, “Search & Play” dhe “Share & Play”. Me “Pick & Play”, përdoruesit falas mund të zgjedhin e të luajnë çdo këngë në aplikacion, ndërsa “Search & Play” lejon kërkimin e titujve specifikë. “Share & Play” i inkurajon njerëzit të klikojnë në këngët e shpërndara në Instagram Stories ose Notes, duke hapur automatikisht Spotify. Kjo është një ndryshim i madh krahasuar me modelin e mëparshëm, ku dëgjimi falas kufizohej në përzierje (shuffle) me pak skips të lejuara.
Megjithatë, Spotify vendos ende disa kufizime. Përdoruesit falas në celular do të kenë një “kohë kërkese” (on-demand time) ditore; pas tejkalimit, do të kufizohen në një numër të caktuar skips në orë. Kompania nuk ka zbuluar se sa është ky limit, ndërsa abonentët Premium nuk preken nga këto kufizime.
Ky zgjerim synon të rrisë përfshirjen dhe të forcojë biznesin e reklamave, i cili aktualisht përbën vetëm 11% të të ardhurave, megjithëse objektivi i CEO-së Daniel Ek është 20%. Sa më shumë përdorues falas të dëgjojnë, aq më shumë reklama mund të shfaqen.
Shërbime si transmetimi lossless, listat inteligjente me AI dhe opsioni Mix mbeten ekskluzive për Premium. Nga ana tjetër shërbimet si “Messages” dhe playlist-i i personalizuar “daylist” janë të disponueshme si për përdoruesit falas ashtu edhe për ata me pagesë.
Spotify raporton 696 milion përdorues aktivë mujorë, prej të cilëve 433 milion janë falas me reklama dhe 276 milion janë abonentë Premium, duke treguar se baza falas është ende thelbësore për strategjinë e kompanisë.
