Snapchat po prezanton një chatbot të ri të integruar në aplikacion që fuqizohet nga ChatGPT i OpenAI. CEO Evan Spiegel tregon se ky shërbim po vjen në platformë pasi parashikon se AI chatbots do të jenë pjesë e përditshmërisë së përdoruesve.
I quajtur My AI, ky shërbim do të jetë i vendosur mbi chat tab sipër listës së bisedave me miqtë. Fillimisht ky shërbim do të jetë i disponueshëm për personat e abonuar në planin Snapchat Plus, mirëpo më pas ky chatbot do të vijë për të gjithë 750 milionë përdoruesit e përjavshëm të Snapchat.
“Idea kryesore është se përveç komunikmit me miqtë apo familjarët çdo ditë, ne do të flasim dhe me AI do ditë. Ne si një kompani e komunikimit duhet ta integrojmë një shërbim të tillë.” tha Evan Spiegel.
Për momentin mund të shikojmë se My AI është një version shumë i shpejtë i dizenjuar për smartphone i ChatGPT që është integruar në Snapchat. Diferenca kryesore midis versionit të Snapchat dhe atij kryesor është kufizimi në përgjigjet që chatbot mund të japë në Snapchat. Punonjësit e Snap e kanë stërvitur këtë chatbot që t’i përmbahet rregullave të aplikacionit dhe të mos japë përgjigje që përfshijnë sharje, dhunë, përmbajtje eksplicite apo opinione mbi tema si politika.
Për fat të keq ju nuk do të mund të përdorni My AI për të bërë detyrat e shtëpisë, pasi ky chatbot refuzon t’i zgjidhë ato.
