Aftësia për të dërguar mesazhe të përkohshme të cilat zhduken brenda një afati, ishte njëra nga format si Snapchat ndikoi tek rrjetet sociale.
Pak vite me vonesë edhe Facebook integron këtë opsion për përdoruesit. Messenger dhe Instagram e morën trajtimin që në shtator ndërsa WhatsApp pritet ta shtojë në javët në vijim.
Si mund ta aktivizosh atë?
Së pari duhet të kesh përditësimet më të fundit për të dyja. Të dyja funksionojnë ndryshe. Nisim me Messenger:
-Hap Messenger
-Trokit mbi ikonën më lart djathtas, atë që duket si laps.
-Zgjidh ikonën me kyç përsëri lart djathtas.
-Zgjidh personin me të cilin dëshiron të krijosh një bisedë sekrete.
-Shkruaj mesazhin.
-Trokit mbi kronometrin në të majtë të mesazhit tënd dhe përcakto kohën.
-Dërgo mesazhin.
Ose mund ta aktivizosh edhe brenda bisedës normale, duke u futur tek info e bisedës, e më poshtë të zgjedhësh opsionin e bisedës sekrete.
Për të aktivizuar shërbimin në Instagram, nevojitet që të dy të keni përditësimin e fundit.
-Hap mesazhet e Instagramit dhe zgjidh me kë do chat-osh.
-Rrëshkite gishtin për lart në ekran.
-Ekrani tashmë duhet të jetë errësuar duke indikuar se është futur në modalitetin vanish.
-Shkruaj mesazhin.
-Zgjidh midis “shfaqe një herë“, “lejo përgjigjen“, ose “mbaje në chat.”
