Snapchat kaq prezantuar një filtër të ri i cili i mëson përdoruesve se si të shpëtojnë jetën e personave të ndryshëm përmes CPR. Përdoruesit e Snapchat mund ta gjejnë këtë shërbim në sektorin e Lenses.
Ky filtër është krijuar në bashkëpunim me Kryqin e Kuq, dhe do t’i drejtojë përdoruesit gjatë performimit të shtypjes së gjoksit dhe më pas do t’i pyesë ato rreth gjërave që kanë mësuar.
Ish-lojtari i futbollit, Fabrice Muamba, zemra e të cilit ndaloi në fushën e lojës gjatë vitit 2012 tregoi se është shumë e rëndësishme që njerëzit të mësojnë CPR bazike. “Duke folur nga eksperienca ime personale, unë isha shumë me fat që kjo gjë më ndodhi kur kisha përreth kujdesin mjekësor më të mirë që unë mund të kërkoja.” tha ai për BBC.
“Të rinjtë ditët e sotme, shpesh herë janë së bashku me shokët e tyre. Në rast se ato e gjejnë veten në një situatë të tillë dhe nuk dinë si të performojnë një CPR, atëherë ato janë në rrezik serioz. Mirëpo nëse ju mësoni CPR përmes këtij filtri në Snapchat ju mund t’i jepni shokut tuaj shance më të mira për të mbijetuar në rast të një arresti kardiak.”
Sipas International Liaison Committee on Resuscitation, më pak se 20% e njerëzve i japin ndihmën e shpejtë personave me arrest kardiak, dhe pse 70% e arresteve kardiake ndodhin në praninë e njerëzve të tjerë.
