Platforma më e gjerë e muzikës Spotify më në fund erdhi, 50 milion këngë dhe pafund lista të parazgjedhura.
Por siç mund të të ketë shkuar edhe në mendje, ky shërbim është me pagesë, një llogari në të mund ta krijosh fare lehtë por ka një sërë kufizimesh të cilat mund ta bëjnë eksperiencën të paplotë.
Me një llogari pa pagesë mund të kesh akses tek të gjitha këngët e platformës, tek podcastet dhe audiobookët.
Ama nëse lëviz jashtë shtetit nuk mund ta përdorësh aplikacionin më shumë se 14 ditë.
Vetëm disa këngë të limituara mund të përzgjidhen, dhe të luhen sipas dëshirës.
Reklamat mund të të ndërpresin në mes të këngës, këngët nuk mund të dëgjohen pa internet dhe cilësia nuk do të jetë më e mira.
Për të mos patur këto kufizime, duhet të aktivizosh shërbimin Premium, i cili edhe vetë ka disa variacione.
Premium Individual, mundëson të ndërrosh këngën sa herë të duash, të përzgjedhësh cilëndo këngë, të shkarkosh këngët për ti dëgjuar kur nuk ke internet, dhe pa asnjë reklamë në mes për një pagesë mujore prej 4.99€ ose në varësi të kursit rreth 650 lekë.
Premium Duo.
Njejtë si më sipër por mund të ndahet me dy persona në dy llogari të ndara për një total prej 6.49€/ 810 lekë.
Premium Family.
Deri në 6 llogari të pavarura me një pagesë të vetme prej 7.99€/ 1000 lekë.
Përveç të mësipërmeve lejon edhe kontrollin e prindit, duke mundësuar bllokimin e këngëve me kontent +16.
Secili prej abonimeve të mësipërme vjen me një muaj falas.
