Nisi si një kritikë e punonjësve të vetë për mos reagim dhe sot ka marrë përmasat e një bojkoti serioz i cili po i kushton kompanisë biliona dollarë.
Po flasim për Facebook dhe nismën #StopHateForProfit (mjaft perfitimit nga urrejtja).
Pak kohë më parë FB ndryshe nga platformat e tjera vendosi të mos reagojë ndaj deklaratave të presidentit Trump të cilat thërrisnin për dhunë. Nëse këto deklarata do ishin bërë nga dikush tjetër do të kishin rënë në kategorinë “hate speech” çka do të shkaktonte pasoja për përdoruesin nga sinjalizimi deri tek bllokimi.
Kësaj kundravajtjeje i shtohet edhe politika, tashmë e vënë në dukje, për mënyrën si Facebook menaxhon reklamat e veta. Të cilat shpesh shfaqen edhe anash profileve të pjestarëve të White Supremacy, apo kontentit rracist dhe fjalimit të urrejtjes.
Facebook nuk mund ta injorojë më këtë shqetësim duke qenë se njëra pas tjetrës kompani të mëdha po refuzojnë të reklamojnë më në këtë platformë.
Nisur nga kjo situatë solidariteti, nxitur nga protestat e shumta dhe thirrjet për barazi, kompanitë i kanë veshët e sytë hapur për të qenë në anën e popullit dhe jo pushtetit.\
North Face, Patagonia, Coca-Cola, Honda Hershey’s, Starbucks, Upwork dhe së fundmi dy gjigandët Unilever dhe Verizon janë vetëm disa nga emrat të cilët publikisht bojkotojnë shërbimin e reklamimit nga rrjeti Facebook Inc.
Vetëm këtë të premte u regjistrua një rënie e ndjeshme për Zuckerbergun i cili u bë $7.2 bilion më i varfër.
Aksionet e kompanisë panë një rënie me 8.3%.
Ngelet ende për tu parë sa do të reflektojë CEO i kompanisë e cila drejtohet pa bord, përkundrazi në krye të saj është vetë Marku dhe vendimet e tij.
Tek e fundit vetëm Unilever dhe Verizon ndikojnë ndjeshëm pasi bëjnë pjesë në top 100-shen e përdoruesëve të shërbimeve të FB. Një shërbim të cilin nuk e gjen askund tjetër për fat të keq.
Andaj nëse vertëtë do të shohim një ndryshim emra të tjerë duhet ti shtohen listës.
