Një person publikoi ditën e shtunë në një forum numrat e telefonit dhe të dhënat personale të 533 milionë përdoruesve të Facebook, ku 506,602 prej tyre janë përdorues nga Shqipëria.
Të dhënat e publikuara përfshijnë informacione personale të përdoruesve nga 106 shtete të ndryshme si numrat e telefonit, ditëlindjet, vendndodhjet dhe në disa raste adresat e emailit.
Një zëdhënës i Facebook tregoi për Insider se këto të dhëna janë vjedhur për shkak të një problemi që kompania pati në 2019. Dhe pse këto të dhëna janë disi të vjetra mund t’i ofrojnë informacione kriminelëve në internet që mund t’i përdorin për t’i shantazhuar personat.
All 533,000,000 Facebook records were just leaked for free.
This means that if you have a Facebook account, it is extremely likely the phone number used for the account was leaked.
I have yet to see Facebook acknowledging this absolute negligence of your data. https://t.co/ysGCPZm5U3 pic.twitter.com/nM0Fu4GDY8
— Alon Gal (Under the Breach) (@UnderTheBreach) April 3, 2021
Për herë të parë kjo database u zbulua nga Alon Gal në janar. Ai tha se nga pikëpamja e sigurisë, Facebook nuk ka asgjë në dorë për të ndihmuar përdoruesit që janë prekur nga ky problem, por ai shtoi se rrjeti social mund të lajmërojë përdoruesit të jenë vigjilentë ndaj skemave phishing të mundshme.
Kjo nuk është hera e parë që informacionet personale të përdoruesve të Facebook publikohen online. Shpresojmë që Facebook tani të marrë masat e duhura për të parandaluar një sulm të rradhës.
