Drejtuesi i sektorit gaming në Microsoft ka treguar se kompania po planifikon të prezantojë dyqnin e saj të aplikacioneve, kryesisht për të ofruar lojrat e Xbox në pajisjet e Apple jashtë App Store, sapo rregullat e reja të Bashkimit Evropian të hynë në fuqi.
Akti Digital Markets i BE synon të bëjë ndryshime të mëdha në mars të vitit 2024, duke përfshirë këtu dhe lejimin e instalimit të dyqaneve nga palët e treta, të cilat do të bashkëjetojnë me App Store në pajisjet Apple. Microsoft nuk mund ta lejonte këtë mundësi pa shfrytëzuar.
Phil Spencer dëshiron që të mbyllet çështja e blerjes së Activision Blizzard sa më parë në mënyrë që të nisë projekti për krijimin e këtij dyqani virtual.
“Ne dëshirojmë që të jemi në një pozicion ku mund të ofrojmë përmbajtjet e Xbox në ekranet e të gjithë personave që dëshirojnë të luajnë këto lojra. Sot, ne nuk mund ta bëjmë një gjë të tillë në pajisjet mobile, por po përgatitemi për një periudhë që ne mendojmë se do të vijë shumë shpejt ku lojrat mund të luhen në të gjitha pajisjet.” shton Spencer.
Dhe pse rregullatorët po ja bëjnë shumë të vështirë punën Microsoft për finalizimin e blerjes së Activision Blizzard, Phil Spencer tregon se kjo marrëveshje mund të ndihmojë konkurencën në tregun e lojrave për smartphone, platformën më të gjerë ku njerëzit luajnë.
