Tmerri i të mbajturit mend të username dhe password-eve të të gjitha faqeve ku duhet të futesh ka një zgjidhje më në fund. Microsoft prezanton një strument i cili funksionon ndërmjet të dyja platformave qoftë iOS qoftë Android.
Authenticator ruan dhe fut kredencialet e tua në të gjitha faqet që ka nevojë nëse i ke ruajtur ato në Edge. Gjithçka duhet të bësh është të shkosh tek skeda Authenticator Passwords dhe të logohesh. Pasi të ketë bërë sinkronizimin ajo do të ofrojë të bëjë log-imin në të gjitha platformat që ke nevojë.
Simplify and secure your life with Microsoft’s autofill solution for passwords https://t.co/mOyPwWhsjX pic.twitter.com/FMcQ7Z9nTm
— Windows Blogs (@windowsblog) February 5, 2021
Për më tepër Microsoft ka lançuar edhe një extension për Chrome, nëse i ke ruajtur kredencialet më parë tek Edge e dëshiron t’i kesh edhe në browserin tjetër. Mjafton t’i japësh akses dhe nuk ke nevojë të futesh vetëm nëpërmjet Edge.
Përveç këtij shërbimi cross-platform Microsoft Authenticator mund të importojë passworde edhe nga Chrome, disa menaxherë të famshëm kodesh dhe materialet CSV.
Ai është i sigurt për t’u përdorur pasi disponon autentikim multi-faktor. Kredencialet gjithashtu enkriptohen. E sigurisht përpara se të plotësojë për ty aplikacioni do të të kërkojë të fusësh PIN-in ose informacionin biometrik.
