Meta do të lançojë një dyqan online ku të gjithë përdoruesit e Facebook, Instagram dhe Messenger mund të blejnë veshje dixhitale për avatar-in e tyre. Veshjet e para që do të vijnë në këtë dyqan online vijnë nga kompanitë më luksoze në treg si Prada, Balenciaga, Thom Browne në formën e veshjeve për motorë, një hoodie me logo dhe disa kostume .
Përmes një postimi në Facebook, CEO i Meta Mark Zuckerberg tha se më tepër firma do të vijnë së shpejti në dyqanin online. “Mallrat dixhitale do të jenë një mënyrë e rëndësishme e të shprehurit të stilit tuaj në metaverse dhe një drejtues masiv në ekonominë krijuese.” tha ai.
Kompanitë luksoze janë përfshirë së fundmi në shumë marrëveshje me kompanitë teknologjike për reklamim, duke përfshirë produktet e tyre në forma të animuara. Një vit më parë, Fortnite prezantoi disa skins të reja Balenciaga të cilat mund të bliheshin nga përdoruesit për t’i bërë personazhet e tyre më të veçantë. Nga ana tjetër në Roblox, përdoruesit mund të vizitojnë “Qytetin Gucci”, që përfshin një kopsht me logon e kompanisë dhe një dyqan virtual.
Nuk ka ende një datë të caktuar për prezantimin e këtij dyqani online, por Meta thotë se do të vijë shumë shpejt.
