Një security update i ri në WhatsApp sapo është publikuar për të gjithë përdoruesit. Politikat e privatësisë në platformë sigurohen të ruajnë end-to-end encryption të chat-eve tuaja dhe të fshehin foton tuaj të profilit apo statusin sipas dëshirës.
Shërbimi i ri që erdhi në këtë update do të bëjë të mundur që një kontakt i panjohur me të cilin ju nuk keni kontaktuar më parë të mos shikojë statusin dhe last seen tuaj.
Ky raportim erdhi pasi një përdorues në Twitter tregoi se kishte disa probleme me last seen në WhatsApp pasi ajo nuk po shfaqej në disa kontakte të caktuara.
“Për të përmirësuar privatësinë dhe sigurinë e përdoruesve tanë, ne po e bëjmë më të vështirë për njerëzit me të cilët ju nuk keni kontaktuar më parë që të shohin prezencën tuaj në platformë” u shpreh WhatsApp. Në këtë deklaratë lexohet gjithashtu se ky update nuk do të ndryshojë asgjë për përdoruesit dhe miqtë apo familjarët e tyre, me të cilët janë në kontakt të vazhdueshëm.
Update-i i ri është i rëndësishëm për të penguar disi punën e aplikacioneve të palës së tretë që regjistrojnë sa herë që një person është online në platformë. Pra ju do të jeni më të mbrojtur nga personat të cilët nuk i njihni.
Sigurisht, nëse ju nuk shikoni dot prezencën e miqve tuaj në platformë, mund të ndodhë që ky person të ketë aktivizuar një privacy setting për të fshehur last seen të tyre.
