Për herë të parë mesazhet zanore në WhatsApp u prezantuan në vitin 2013, dhe janë padyshim një ndër shërbimet më të preferuara nga përdoruesit. WhatsApp tregon se çdo ditë në platformë dërgohen mbi 7 miliardë mesazhe zanore.
Përmes update-it më të ri përdoruesit e platformës do të kenë më tepër kontroll mbi këto mesazhe zanore. Kjo gjë u konfirmua përmes një postimi në blog ku platforma tregon se ka shtuar 6 shërbime të reja që do të lançohen gjatë javëve në vijim.
Këto do të jenë 6 shërbimet e reja:
- Luajtje e regjistrimit zanor jashtë chat-it
Aktualisht nëse ju dëshironi të dëgjoni një mesazh zanor, ju duhet të qëndroni brenda chat-it deri sa ai të përfundojë, pasi në të kundërt mesazhi do të ndërpritet. Mirëpo me përfshirjen e këtij shërbimi të ri ju mund të dëgjoni regjistrimet dhe kur dilni nga chat-i.
- Ndalimi / rifillimi i regjistrimit
Ndërkohë që ju regjistroni një mesazh zanor, ju mund të ndaloni nëse diçka po ju shpërqëndron dhe të rifilloni regjistimin aty ku e latë kur të jeni gati.
- Vizualizimi me valë
Mesazhi zanor do të shoqërohet gjithashtu me prezantim vizual të regjistrimit që ju ndihmon të dëgjoni pjesët ku është folur në regjistrim
- Rishikimi i draftit të regjistruar të mesazhit zanor
Ju mund të regjistroni, ndaloni dhe të dëgjoni regjistrimin tuaj para se ta dërgoni atë.
- Remember playback
Nëse ju e ndaluat mesazhin zanor ndërkohë që e dëgjonit dhe largoheni nga chat-i, kur të riktheheni mesazhi do të fillojë të luhet pikërisht aty ku e ndaluar.
- Luajtje e shpejtë në mesazhet e bëra Forward
Ju mund të luani mesazhet zanore në shpejtësi të ndryshme, 1.5x apo 2x më shpejt se normalja tashmë dhe në mesazhet e bëra forward.
