TikTok po zhduket dhe nuk ka kush t’ia zërë vendin? Gabohesh, përveç Byte nga Vines është edhe vetë Instagrami që bëhet gati të shfrytëzojë rastin.
Po të futesh në seksionin e eksplorimit do të shohësh një kategori të re videosh nga 15 sekonda të cilat ndërrohen vertikalisht, nuk janë Stories por janë Reels. Video të shkrurta ku njerzit mund të regjistrojnë veten duke i shtuar muzikë dhe një sërë filtrash për koreografi.
Nuk është një aplikacion i pavarur, ndodhet brenda Instagramit, videot mund të jenë private ose publike sipas dëshirës. Opsioni i ri fton ata që kanë frikë nga instabiliteti i TikTok të vijnë në një platformë me audiencë të ndërtuar tashmë, por nga ana tjetër edhe krijuesit e Insta kanë mundësinë të shtojnë audiencën që kërkon këtë lloj materiali.
Robby Stein, drejtori i produkteve i Instagram thotë se TikTok bëri të famshëm formatin e videove të shkurtra, por të dyja produktet janë ndryshe nga njëra tjetra.
“Mendoj se TikTok meriton shumë kredit për popullarizimin e formatit në këtë hapsirë, dhe është punë shumë e mirë. Por në fund të ditës, as dy produkte nuk janë tamam njësoj, kështu edhe tanët.” U shpreh ai.
Shprehje pak e ngjashme me vitin 2016 kur Insta zgjodhi të sillte versionin e saj të videove të shkurtra 24 orëshe si Snapchat. Të cilat shumë shpejtë ia kaluan këtij të fundit, nëse do të përsëritet i njëjti skenar edhe kësaj here mbetet për tu parë.
Për të krijuar një Reel mjafton të rrëskasësh djathtas, njëjtë si Stories, më poshtë do të gjesh Live, Stories dhe Reel. Ose mund të ngarkosh videon tënde, më pas mund të ngacmosh shpejtësinë, të shtosh efekte speciale, të caktosh një numërim mbrapsh apo të shtosh audio.
