Instagram lançoi për herë të parë Direct Messaging në vitin 2013, por nëse ju bënit një gabim drejtshkrimor gjatë bisedës, nuk mund ta ndreqnit dot atë. Kjo gjë ka ndryshuar më në fund.
Meta sapo ofroi një përditësim të softuerit për aplikacionin Instagram që më në fund lejon modifikimet e DM, me një paralajmërim të madh. Keni vetëm 15 minuta për të bërë ndonjë ndryshim. Ja si funksionon.
Pasi të dërgoni një mesazh në DM dhe të kuptoni se keni bërë një gabim drejtshkrimor, mjafton të mbani shtypur mesazhin e dërguar. Menjëherë do të hapet një menu dropdown. Kërkoni “Edit” dhe bëni ndryshimet që dëshironi. E gjitha kjo ka vlerë brenda 15 minutash nga dërgimi i mesazheve.
Ky nuk është ndryshimi i vetëm në DM që vjen me përditësimin e ri. Ju gjithashtu mund të vendosni deri në tre nga bisedat tuaja të preferuara direkte në krye të DM, gjë që është e dobishme në rastin e bisedave në vazhdim. Kjo mund të bëhet me biseda standarde dhe biseda në grup. Thjesht mbajeni shtypur bisedën (ose rrëshqisni majtas në iOS), prisni sa të hapet menuja dhe shtypni mbi “pin” për të bërë lëvizjen.
Përditësimi gjithashtu e bën më të lehtë aktivizimin dhe çaktivizimin e read receipts, në varësi të preferencës personale. Pjesa tjetër e veçorive të reja të sotme janë kozmetike. Ka tema të reja DM, dhe disa përfshijnë animacione unike. Më në fund, përditësimi ofron një mënyrë për të ruajtur stickers tuaj të preferuar në DM-të tuaja për qasje të lehtë. Thjesht mbajeni shtypur sticker-in dhe do të jetë aty herën tjetër që ta dëshironi.
