Një aplikacion i ri i quajtur Arc Search tregon se si AI dhe kërkimi në internet mund të punojnë së bashku për të ofruar rezultate kërkimi që janë gjithëpërfshirëse dhe koncize.
I zhvilluar nga njerëzit që qëndrojnë pas browser-it Arc dhe i ofruar në pajisjet iOS për momentin, mjeti i ri i kërkimit përfshin disa shërbime interesante për t’ju ndihmuar me kërkimet tuaja në ueb. Por një mjet në veçanti shkëlqen mbi pjesën tjetër. Një opsion kërkimi i njohur si Browse for Me analizon pyetjen tuaj që dëshironi të kërkoni dhe ndërton një faqe të re interneti bazuar në informacionin e gjetur.
Mjafton të kërkoni për një temë të caktuar dhe të shtypni mbi butonin Browse for Me. Arc Search analizon rezultatet nga faqe të ndryshme në internet dhe i bashkon të gjitha rezultatet në një hapësirë të vetme dhe shumë kompakte.
Në krye gjendet një galeri me imazhe që lidhen me pyetjen tuaj. Prekni çdo imazh dhe do të drejtoheni në faqen përkatëse të internetit. Më pas detajet kryesore do të jenë të përmbledhura me pika të veçanta.
Në fund ofrohen links për faqet e internetit të cilat kanë informacione më të detajuara për temën që po kërkoni. Për të provuar Arc Search, shkarkoni atë nga App Store. Hapni aplikacionin (fatmirësisht nuk kërkohet regjistrim ose llogari). Pastaj thjesht shkruani pyetjen tuaj për të parë se si funksionon aplikacioni.
