Duke nisur nga dita e sotme WhatsApp ka lançuar shërbimin e ri Communities për të organizuar grupe të ndryshme komunikimi në struktura më të mëdha.
Nëpërmjet Communities administratorët e grupeve do të kenë mundësinë të sjellin së bashku grupet e tyre, duke lajmëruar me mijëra persona pjesëmarrës në grupe njëherazi. Një lajmërim i tillë mund të përdoret mjaft mirë në grupet e krijuara midis personelit në punë apo shkolla. Tabela e re Communities do të gjendet në krye të chat-eve tuaja në Android, ose në fundin e ekranit nëse ju po përdorni një iPhone.
Përmes update-it të ri do të bëhet e mundur që të grupet e WhatsApp të jenë të pranishëm deri në 1024 përdorues, një numër shumë më i madh se limiti ekzistues prej 256 personash.
Përmirësimet do të vijnë dhe në grupet ekzistuese përmes polls. Tashmë zgjedhja e një filmi për t’u parë gjatë fundjavës me miqtë tuaj do të bëhet shumë më e thjeshtë përmes këtij shërbimi. Dhe video-telefonatat do të mund të kryhen midis 32 pjesëmarrësve njëkohësisht.
Këto shërbime të reja mund të mos shfaqen momentalisht para të gjithë përdoruesve, mirëpo do të jenë të pranishme në vijim gjatë këtij muaji, sipas Meta.
