Nëse ju po kërkoni për një mënyrë se si të ruani në mënyrë private të gjitha bisedat tuaja me mesazhe, është e rëndësishme të zgjidhni një aplikacion të veçantë. Jo të gjithë aplikacionet janë end-to-end encrypted (E2EE), ndërsa disa të tjera mund të kenë disa “vrima” në siguri që kompromentojnë privatësinë tuaj.
Më poshtë ne do të listojmë 7 aplikacionet të cilat janë falas dhe ofrojnë E2EE, në mënyrë që ju të shqetësoheni akoma më pak rreth privatësisë.
Signal
Signal është një ndër aplikacionet e komunikimit privat më të njohura, dhe renditet në krye të listës. Signal e përshkruan veten si një “kompani e pavarur pa përfitime” e cila nuk përmban reklama apo trackers brenda aplikacionit.
Telegram
Telegram është një tjetër aplikacion i mirë dhe i sigurt. Ai ofron enkriptim server-përdorues për chat-et private dhe grupet, dhe ju mund të dërgoni mesazhe me E2EE duke përdorur shërbimin Secret Chats. Telegram ju lejon gjithashtu të dërgoni mesazhe që vetëshkatërrohen pas një periudhe të caktuar.
Të gjitha aplikacionet nën pronësinë e Meta kanë probleme me privatësinë, por mendohet se WhatsApp është një përjashtim, pasi aktivizon E2EE për mesazhet dhe telefonatat automatikisht. Kompania u përball me disa kritika kur ndryshoi politikat gjatë vitit të kaluar, duke i kerkuar të gjithë personave që ndërveprojnë me një biznes të shpërndajnë të dhënat e tyre, mirëpo kjo nuk prek përdoruesit e përditshëm.
Wickr Me
Wickr Me është tashmë nën pronësinë e Amazon Web Services, një kompani që nuk njihet për ruajtjen e një privatësie të shkëlqyer. Megjithatë aplikacioni Wickr Me është i sigurtë, pasi ofron komunikim me mesazhe dhe telefonata të enkriptuara. Zakonisht përdoret nga profesionistët e biznesit ndërkohë që komunikojnë me kolegët e tyre.
Wire
Wire është një aplikacion tepër i thjeshtë, me ndërfaqje direkte që kryen ekzaktësisht atë që ju kërkoni nga aplikacioni: të dërgoni mesazhe të enkriptuara dhe të kryeni telefonata E2EE.
Viber
Me Viber ju mund të prisni një eksperiencë të plotë komunikimi, me shërbime të shumëta dhe ndërfaqje modern. Dhe pse aplikacioni suporton komunikimin E2EE, është disi më ndryshe nga aplikacionet e tjera, pasi ju mund të shikoni reklama dhe rekomandime të ndryshme gjatë përdorimit.
Skred Messenger
Ajo që është interesante rreth Skred është se ju nuk keni nevojë për një numër telefoni ose email për t’u regjistruar në platformë. Skred nuk përdor gjithashtu listën e kontakteve për të zbuluar nëse ndonjë nga miqtë tuaj e përdorin këtë aplikacion. Mjafton të ftoni njerëzit në aplikacion duke përdorur një QR code. Skred suporton komunikimin EE2E me mesazhe dhe telefonata.
