Njëri prej opsioneve më tërheqës të mjedisit Apple ka qenë gjithmonë aftësia për të lidhur fare lehtë pa kabuj një Mac me një iPhone, për të kaluar fotot për të dërguar mesazhe, marrë lajmërime etj. Për sistemet e hapura si Windows dhe Android, ka qenë me e vështirë pasi janë dy sisteme operative totalisht ndryshe nga njëra tjetra. Por vitet kanë kaluar dhe nëse ke një Windows 10 me përditësimin më të fundit të paktën prill 2018 dhe një Android nga 7.0 e më sipër Your Phone Companion është zgjidhja. Nuk të duhet kabulli fare mjafton të shkarkosh aplikacionin dhe t’i japësh lejet e duhura.
Në Windows e ke të instaluar automatikisht, ndërsa në smartphone shkarkoje, futu në të dhe fillo setupin.
Kliko “Allow” kur kërkon lejen për akses në foto, video, media dhe files.
Tabela e radhës do të kërkojë leje për të operuar edhe në sfond, kliko “Allow“
Pas këtyre autorizimeve aplikacioni është gati për t’u përdorur.
Futu në aplikacion nga kopmiuteri dhe shko tek “Photos“
Nga aty mundesh t’i hapësh, kontrollosh, ndash ose nëse do të shmangësh ruajtjen nëpër cloud-e a shërbime të tjera digjitale, ruaji materialet e tua në memorien e kompiuterit tënd.
