September 20, 2021

Aplikacioni i ri Photos për Windows 11 sapo u publikua. Ja ku ta shkarkoni

Aplikacioni i ri Photos për Windows 11 sapo u publikua. Ja ku ta shkarkoni

Disa përdorues në Reddit kanë filluar të marrin update-in e Windows 11, dhe bënë të ditur se aplikacioni Photos për Windows 11 është tashmë i aksesueshëm. Javën e kaluar, Panos Panay prezantoi aplikacionin e ri dhe tha se shumë shpejt ai do të vijë në programin Insiders. Siç pritej, ky update sjell disa shërbime të reja bashkë me ndryshime në UI.

List-view-in-Windows-11-Photos-app.jpg

Në përgjithësi Photos i ri është shumë i ngjashmë me versionin e ofruar në Windows 10. Sapo hapni aplikacionin, ju do të shikoni fotografitë tuaja më të fundit bashkë me disa shortcuts, dhe me shumë mundësi do të vini re skajet e rrumbullakosura të dritares së hapur.

Viewing-multiple-images-in-Photos-app.jpg

Megjithatë ndryshimet kur hapni një fotografi janë më domethënëse. Në pjesën e poshtme do të shfaqet një thumbnail i vogël me fotot paraardhëse dhe pasardhëse, dhe ju do të keni mundësinë të zgjidhni më shumë se një foto për t’i shtuar ato në folder-in e të preferuarave ose t’i fshini. Kur ju shikoni një fotografi, në pjesën e sipërme do të shfaqet një toolbar ku gjenden opsionet e shpejta për editim si rrotullimi i fotografisë, informacionet e saja ose opsioni për të fshirë foton.

Info-pane-in-Photos-app.jpg

Ky aplikacion po vjen gradualisht drejt përdoruesve, prandaj duhet të bëni pak durim (ose mund të shkarkoni këtë aplikacion të ofruar nga Deskmodder).

Tuesday, 14 September 2021 00:02

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
[email protected], [email protected]

Editorial Staff:
Brenton Bënja
Bekim Haveriku 
Xhonald Mamo