Pas eksperimentimit prej 9 muajsh me non-fungible tokens (NFT), Meta ka vendosur të ndërpresë mbështetjen e këtij formati në Instagram dhe Facebook. Përdoruesit nuk do të kenë më mundësi që të shpërndajnë apo të shesin NFT e tyre në platformat e ndryshme të Meta, megjithatë nuk ka ende një datë përfundimtare për këtë vendim.
Stephane Kasriel e bëri të ditur këtë lajm nëpërmjet një postimi në Twitter ditën e hënë. Kasriel tregoi se Meta dëshiron të fokusohet më tepër në çështjet me prioritet të lartë, duke përmendur këtu dhe deklaratën e Zuckerberg që thotë se “2023 do të jetë viti i efiçiencës”. Ajo falenderoi të gjithë krijuesit që kontribuan në krijimin e këtyre shërbimeve për NFT në Meta.
Some product news: across the company, we’re looking closely at what we prioritize to increase our focus. We’re winding down digital collectibles (NFTs) for now to focus on other ways to support creators, people, and businesses. ?[1/5]
— Stephane Kasriel (@skasriel) March 13, 2023
“Ne po ndërpresim mbështetjen për NFT për momentin në mënyrë që të fokusohemi në mënyra të reja për mbështetjen e krijuesve, njerëzve dhe bizneseve.” tregoi Kasriel.
Për herë të parë Instagram prezantoi shërbimet e reja në lidhje me NFT në mars të 2022, ku lejoi përdoruesit të vendosnin në foton e tyre të profilit NFT që zotëronin si dhe t’i shisnin ato.
Meta po përballet me një peridhë të vështirë, dhe pritet që javën e ardhshme të lajmërohet largimi i 10,000 punonjësve të tjerë nga kompania. Në nëntor të vitit të kaluar Meta largoi 11,000 punonjës për të ulur shpenzimet e kompanisë.
