Instagram ka prezantuar gjatë ditës së djeshme disa shërbime të reja për Reels, të cilat janë të dizenjuara për të ndihmuar krijuesit të futen sa më lehtë në trendet e reja dhe të rrisin ndërveprimet në video me fansat.
Këto shërbime mund të jenë mjaft të rëndësishme për reklamuesit që dëshirojnë të marrin maksimumin nga postimet e tyre në Instagram.
Këta përdorues do të kenë aftësinë për të gjetur më shpejt se cilat janë videot më në trend të momentit. Në faqjen e re të Reels mblidhen shumë hashtags dhe këngë që kanë nisur të përdoren shumë gjatë kohëve të fundit, së bashku me numrin e videove që kanë përdorur këto elementë. Përdoruesit mund ta ruajnë këngën ose hashtag për më vonë ose ta aplikojnë direkt në një video të tyren.
Ndryshimi kryesor që Instagram ka bërë përmes këtij update është proçesi i editimit të videove. Përdoruesit do të mund të editojnë videot e ngarkurar, tekstet e mbishkruara, stickers dhe audion në të njejtën faqje, në vend që të gjithë elementët të editoheshin në hapa të ndarë.
Gjithashtu krijuesve do t’ju ofrohen disa shërbime për të analizuar performancën e përmbajtjeve të tyre dhe ndërveprimin me fansat. Në analytics dashboard do të shfaqet koha totale e shpenzuar nga audienca në shikimin e videove, duke përfshirë këtu dhe rishikimet e videove. Krijuesit do të njoftohen sa herë një përdorues t’i bëjë follow pas shikimit të një Reel.
