Duke filluar nga dita e sotme, në Instagram Reels do të vijnë disa shërbime mjaft të pritura. Ndoshta më i rëndësishmi mes tyre është zgjatja e limitit maksimal të kohës për një Reel deri në 90 sekonda.
Si gjithmonë, ky update është i fokusuar tek krijuesit. Për shembull, Reels do të përmirësohet me një koleksion të ri efektesh zanore që nga boritë me ajër e deri tek daullet. Së bashku me këto efekte zanore, një shërbim i ri Import Audio do të shtojë komentim apo një zhurmë në sfond, e cila mund të merret nga çdo video që është të paktën 5 sekonda e gjatë nga galleria juaj.
Gjithashtu stickers interaktiv që gjenden prej shumë kohësh në Story do të jenë të disponueshme dhe në Reels. Kompania tregon se ato ofrojnë “më tepër mundësi për të ndërvepruar me komunitetin”. Deri më tani, këto janë 3 opsionet e mundshme:
Poll: pyesni miqtë tuaj se çfarë duhet të ndodhë në videon tuaj të rradhës, në mënyrë që të ndërvepron me to
Quiz: testoni aftësitë e audiencës tuaj (ose mësojini atyre diçka të re) me një sticker
Emoji Slider: lejoni audiencën tuaj të shprehin ndjesitë e tyre me një sticker që e bën emoji-n me sytë me zemra dhe më të fuqishëm
Dhe pse TikTok ka mundësuar tani krijimin e videove deri në 10 minuta, Instagram po fokusohet në videot e formatit të shkurtër.
