Me sa duket dhe Instagram do të përfshihet në botën e inteligjencës artificiale, pasi imazhet më të reja të bëra leak nga Alessandro Paluzzi e verifikojnë këtë gjë.
Informacionet e bëra leak tregojnë se ky agjent AI do t’i përgjigjet pyetjeve të përdoruesve si dhe mund të ofrojë këshilla të ndryshme. Përdoruesit mund të përzgjedhin një nga 30 personalitetet e ndryshme të këtij AI, të cilat mund të ndihmojnë dhe në shkruajtjen e mesazheve.
#Instagram is working on bringing AI Agents (Bots ?) to your chats for a more fun and engaging experience ?
ℹ️ AI Agents will be able to answer questions and give advice.
You’ll be able to choose from 30 different personalities. pic.twitter.com/4eWLBbvs8w— Alessandro Paluzzi (@alex193a) June 5, 2023
Dhe platforma të tjera si Snapchat kanë lançuar një AI chatbot të integruar në aplikacion, por që në të vërtetë nuk ka patur një sukses të jashtëzakonshëm. Kur “My AI” i fuqizuar nga teknologjia GPT e OpenAI u prezantua për herë të parë në Snapchat nuk kishte filtra për përshtatjen e përgjigjeve në bazë të moshës së përdoruesve. Një gazetar i cili ishte regjistruar si një adoleshent në Snapchat arriti të merrte këshilla nga ky chatbot se si të largonte erën e alkoolit apo kanabisit.
Nuk është ende e qartë se çfarë mjetesh do të përdorë Instagram për të fuqizuar këtë chatbot. Megjithatë me zhvillimin e madh të inteligjencës artificiale, kompania mëmë e Instagram, Meta, ka përdorur AI në drejtime të ndryshme të biznesit të saj, duke përfshirë këtu dhe reklamat.
Meta prezantoi AI Sandbox, e cila ndihmon reklamuesit të krijojnë versione të ndryshme reklamash, si dhe imazhe për sfond.
