Instagram i bën automatikisht private adresat e personave nën 16 vjeç

Instagram po prezanton disa ndryshime në aplikacion, të cilat supozohen ta bëjnë atë më të sigurtë për personat e rinj në moshë.

Që nga ky moment, çdo person nën 16 vjeç që regjistrohet në këtë platformë do të mbajë adresën e tij private automatikisht, mirëpo kjo gjë mund të ndërrohet më pas në Settings. Nëse ju vendosni ta bëni publike adresën tuaj, ju do të merrni një njoftim nga Instagram i cili ju inkurajon ta riktheni adresën tuaj private.

Platforma po prezanton gjithashtu disa ndryshime në mënyrën se si reklamuesit shfaqin reklama për përdoruesit nën moshën 18 vjeç. Më parë, çdo përdoruesi mund t’i shfaqeshin reklamat në bazë të interesave dhe aktivitetit, mirëpo tani reklamuesit do të kenë mundësinë të krijojnë reklama të posatshme për personat nën 18 vjeç bazuar në moshën, gjininë dhe vendndodhjen e tyre.

Një tjetër shërbim i rëndësishëm i prezantuar është dhe identifikimi i “sjelljeve të dyshimta” nga adresa të ndryshme. Personat të cilët janë bërë block ose janë raportuar nga personat nën 16 vjeç nuk do të kenë mundësinë t’i gjejnë këto minorenë në platformë, madje atyre nuk do t’i shfaqen as komentete minorenëve në Explore ose Reels.