Drejtuesi i Instagram, Adam Mosseri njoftoi për ekzistencën e një aplikacion të ri “Edits” që do të vijë së shpejti në treg dhe do të shërbejë si një alternativë ndaj CapCut në iOS dhe Android, një tjetër aplikacion i ByteDance që u ndalua së përdoruri në SHBA së bashku me TikTok.
Instagram “Edits” është një aplikacion i ri për editimin e videove që do të lançohet muajin e ardhshëm. Aplikacioni, shpjegon Mosseri, do t’i lejojë krijuesit të modifikojnë videot nga telefoni i tyre me mjete më të avancuara, si dhe të marrin njohuri më të mira mbi performancën e një videoje në Instagram, nëse videoja e edituar do të postohet atje.
Aplikacioni gjithashtu i lejon krijuesit të ruajnë draftet dhe t’i ndajnë ato me të tjerët, tha Mosseri në një video të shpërndarë në Threads.
Edits është tashmë i disponueshëm për porosi për iOS në Apple App Store, por Mosseri lë të kuptohet se lëshimi i Android do të jetë pothuajse në të njëjtën kohë, duke thënë se në “Android [po] vjen së shpejti“, duke shtuar se “nuk do të vijë në treg deri në shkurt”.
Është e vështirë të thuhet me siguri nëse “Edits” do të vijë në Android në shkurt, por kjo duket e mundshme. Lëvizjet më të reja nga Instagram, si rritja e kufirit maksimal të kohës në 3 minuta për Reels dhe aplikacioni Edits, vijnë si pasojë e ndalimit më të fundit që iu bë TikTok dhe CapCut në SHBA.
TikTok rifilloi shërbimin e tij më pak se 24 orë pas mbylljes, por aplikacionet e tjera nga katalogu i ByteDance, përfshirë CapCut dhe Marvel Snap, mbeten të ndaluara në vend dhe të padisponueshme për shkarkim nga Play Store.
